آهوگان گردگ مان تلّان ، شانتلان آواز شمشت چو...

آهوگان گردگ مان تلّان ، شانتلان آواز شمشت چو...
آهوگان گردگ مان تلّان ، شانتلان آواز شمشت
چو ءبروئان زان ءِ بندگ ، کُهه جنکان ناز شمت
داد بکشی میرءَُ سردار ، شهرءِ مردم راهءُ رهبند
کبرءُ ازرائیل و محشر، مولئی ان واز شمشت

پنیت ءُ پتلون انت کپل ئاب انگریزی گپءُ گال
ماوتی مات مکران ءِ ، پیش ءُ پُرکءُ داز شمشت
سرشپانی جّیءُ گوازی ، روچ گردگ په شکاران
چاپءُ درکئـ ناچی آن، سازگران وتی ساز شمست
چشم دارگ ماهکانان جودءِ گرمین پادبرمشان
گران ءُ گرانازین جنان ، مردءِ وتی ، همباز شمشت
تو اگان منّءِ نه منءِ ای گپءَ گپءَ ادریس بزان
ای جهان ءَ تئی ودین پیرءُ ورنا باز شمشت

داودبلوج زهی

هَمُک ڈُکال ءِ رَند ءَ کَیت بهارے

هَمُک ڈُکال ءِ رَند ءَ کَیت بهارے 

گُلامی ءَ چه پَد نوک روزگارے
مدامی بَند و کُنٹ ءِ هم نه بیت زور
شپ ءِ جنگ ءَ په دَرکیت شهسوارے

پناه بیت په گَریب و سُهته روچاں
گُهورتے ؛ شیر بیمے ؛ سرمچارے
پدا ٹِک دنت اُمیت ءِ بامگواهے
پدا جهدانی روشن بامسارے
نبیت انت جان ءِ دُژمن امن گُں زور
مدام هونانی رَند کیت آسگوارے
گَم ءِ کُٹیت هم زَهریں شَهمات
پدا وَشی ءِ کیت پُل بویں وارے
همے آجویی ءِ رُژن انت بَلیت دل
پدا سوبانی گِرئند اِنت کَنت توارے
شپ ءَ مِستاگے داتگ ما را بیلے
چه زَهر و تُهل ءَ رَند کیت مهروارے

کریم بلوچ ـ تَهل
۰۹/۰۳/۱۱
آدیسه - اک