منا بلوچ دوست بنت

منء بلوچ دوست بنت* 

بلوچان منء ھوں دوست بیت*

منء گلزمین دوست بیت*
گلزمینء منء ھوں دوست بیت*

بلوچان دراھین گلزمین دوست بیت*
پمشکء ھر روچ
سئ ؤ چار بلوچ شہید بیت*

دل و دلکــشی ءِ کایـنـت تـرانــَـگ

دل و دلکــشی ءِ کایـنـت تـرانــَـگ
زبادیں تئی دُن انت مئی سار ءِ پانـَگ

دراهـیـں زند ءِ ساه ءَ ، یارئـے هم تـؤ
 بــَرے پـُلّ ئے مـئـی گـِـیــــراں اچانـَگ

تـئـی نـرمـیـں بـــدن ، کوشیں زانسر

کتابے هــســتــی ءِ کس زانـت وانـَگ

هَـمـُـک مــهــر ءِ بهــار ءِ واهگ ئے تو

تــئــی مَهــکان ءِ کـول ، جاڑیں چانـَگ

په ما دلـکـشـیـانی هست ئـے گوناپ

تـــوئے مـِـهـرانی رُژن ، دُرّانـی دَانـَگ

هـمک بـیـمـریـچ و ڈکالانـی ڈکّ ءَ

توئـے توس ئے وتــی مــهر ءِ بَشانـَگ

اگں «تـَهـل»انت گوَرگِند جَؤر ءِ سَد بَر

پما مهـتـوس ءِ مهر ، واهگ - نشانگ

کریم بلوچ _ تهل
02/12/11