بلوچ زالبول ، مات ،گهار و جنکان ءَ مبارک بات !

8 مارچ

جنینانی جهانی روچ
بلوچ زالبول ، مات ،گهار و جنکان ءَ مبارک بات !

8 مارچ هما روچ انت که جهان ءِ جنین آدم وتی نام ءَ ، جهان ءَ مَـنّـائـیـنـتـگ و وتیگ
کتگ ، و هر سال ءَ همے روچ ءَ وتی هوری و یکجاهی و وتی لوٹـانی جار ءَ یکیں گـُٹ و
یکیں زبان ءَ جهان ءِ مردماں گوئشیت . همے روچ ءَ وتی جـژن و وتی شاده ءِ روچ جوڑ
کنت . وتی شهید بیتگیں و هستیں جهدکاراں ساڑائیت و گیر کاریت . ما همے نیکیں و
مبارکیں روچ ءَ وتی راج ءِ جنین آدماں چه دل ءِ جهلانکیاں مبارکبات گوئشیں و امیت انت که
مئی راج ءِ جنین آدم هم ، هو و یکجاه په جَور و نوشیں ظلمانی گار بیگ و وتی جند ءِ
حقانی دست آرگ ءَ یک گـُٹ و یک توار به بنت .

سوبیں بات جنین آدمانی انسانی واهگاں !

« پــَـهــــره »

روچے که من تو یارتیں

 

نمیراں استاد اشرف سربازی

روچے که من تو یارتیں

یک دومیء گموارتیں

مهرء زرء گم گــارتیں

دل پہ دلء بے سارتیں

هر چے که تو واهارتیں

بے مهتلی من بیارتیں

نوں آ دماناں تو شموش

آ پیشی تراناں تو شموش

عهد و کراراں تو شموش

پلیــں نیاداں تو شمـوش

وهدی که دل پلگارتیــں

روچے که من تو یارتیں