بلوچ ورناہ گوں تپاکی ءُ ھم پَتی ءَ آجوئی جُنز ءَ ھوار بہ بنت۔  

نورالدین مینگل

لندن:بلوچ رھشون نورالدین مینگل ءَ گُشتگ بلوچ راج اے مُلک ءَ گوں ھوار نِشت نہ کنت۔ بلکیں بلوچ راج ءِ وش ھالی گوں آزاد ءُ یونائیٹڈ بلوچستان ءَ بندوک اِنت۔ راجی آجوئی ءَ ابئید دگہ ھچ وڑیں رھبند پش نہ کپتگ، پاکی استان بلوچستان ءَ وتی دزمانجنی ءَ بند بہ کنت۔ بلوچ وتی فیصلہ ءَ وت کن اَنت۔ بلوچستان کدی پاکی استان ءِ بھر نہ بیتگ۔ بلوچ ءَ ھر دؤر ءُ ھر زمانگ ءَ پاکی ایردستی ءِ ھلاپ ءَ جنگ کُتگ۔ پاکی استان بے دلیں فوج پہ بلوچ جُھد ءِ ایرموش کنگ ءَ ھر وڑیں زلم ءُ زوراکی کنگ اِنت، بلوچ ورناھانی آوار جنگ ءُ آھانی ٹپ ءُ ٹوریں لاشاں ماں ویرانیں دگاں دؤر دیگ ءَ ھوار ، زھگ ءُ زالبولاں ھم شھید کنگ اِنت۔ شھری آبادیانی سرا بمب گواری کنگ اِنت۔ بلوچ رھشون ءُ زانتکاراں ٹارگٹ کنگ اِنت۔
آئی ءَ ماں امریکی کانگریس ءَ پیش بیتگیں بِل وش اَتک کنان ءَ گُشتگ کہ بلوچ ورناھانی قُربانیانی برکت ءَ مرچی بلوچ راجی توار میان استمانی تکاں سر بیتگ۔ چر ایشی ءَ چہ پاکی استان ءُ آئی ءِ دپ چٹیں مزھبی گنوک پریشان اَنت۔ آ ایشی ءَ پاکی استان ءِ تھی توکی جیڑھاں دزمانجی ءِ نام ءَ دینت، آ ھمے بہ گُشنت کہ اے پاکی استان ءِ تھی جیڑھانی تھا دزمانجنی اِنت ۔پاکستان پرچا دگہ ملکانی تھی توکی معاملہ آں دزمانجی کنت۔ اگاں اے میان استمانی رھبندانی ھلاپ ورزی اِنت تا اے ھلاپ ورزی پاکی استان ءَ ھما وھد ءَ کُتگ کہ آئی ءَ پہ زور بلوچ آزادیں استان ءِ سرا قبضہ کُتگ۔

 

 جمشیدزهی، خطاهای‌پزشکی را یکی از عامل بروز خشونت علیه پرستاران خواند

خشونت علیه پرستاران در مراکز بهداشتی و درمانی افزایش یافته است

عضو کمیسیون بهداشت و درمان مجلس، از افزایش برخی خشونت‌ها علیه پرستاران در مراکز بهداشتی و درمانی خبر داد و گفت: بیشتر این‌گونه برخوردها به عملکرد و نوع رفتار پرستار با مراجه‌کنندگان و بروز خطاهای پزشکی در بیمارستان‌ها بر می‌گردد.