عرب شیخانی گورا زمیناں رھْن مہ کن ات؛ بلوچ لبریشن آرمیءَ شہ چاغی

 

بلوچستانءَ شکار کتگیں خرگوشانی ندارگے اِنت

 عرب شیخانی گورا زمیناں رھْن مہ کن ات؛ بلوچ لبریشن آرمیءَ شہ چاغی دمگءِ ٹکاں لوٹ کت

:دلگوش: سرجمیں حالا دردناکیں عکس ھوار اَنت کہ کسانسالیں چاروکانی لایق نہ اَنت۔

انٹرنٹی حالجاہ ‘ڈیلی بلوچ‘ءِ ردا (مھنیں) بلوچ لبریشن آرمیءِ گوانکو جیند بلوچءَ شہ چیریں جاھےءَ ٹلیفونی گشتگ کہ چاغی دمگءِ لھتے آھِیریں ٹک ھندی زید و کوچگاں عرب شیخانی گورا رْھن کنگا اَنت۔ اے زمین قومی ملکت اَنت و ایشاں دگراں بکشگءِ حق ھچ کسا نیست اِنت۔ پمیشا ٹک شہ وتی کتگیں اے کارا دستبردار بہ بی اَنت۔

بلوچستانءِ بازیں زید و کوچگ پاکستانی واک و لھتے آھیریں بلوچ ٹکاں عرب شیخانی گورا رھْن کتگ اَنت۔ عرب شیخاں اے ھند وتی سیل و شکارجاہ جوڑ کتگ اَنت۔ اودا شہ نایاپتیں بالی مرغ تانکہ کوھی گورانڈ و سَید شکار بیگا اَنت۔ پمیشا بلوچستانءِ وایلڈ لایف تباہ کنگ بیتگ کہ ھر سرپدیں بلوچءَ بژنیگ کنگا اِنت۔

 

بلوچستانءَ بازیں سردار وخشی جاندارانی شکارا وتی شان لیک اَنت 

http://www.balochinews.com