پهره..وبلاگ فرهنگی هنری وادبی بلوچستان
,, روزنامه پهره,, پهره روتاک,,پهره..وبلاگ فرهنگی هنری وادبی بلوچستان
,, روزنامه پهره,, پهره روتاک,,گـــَـوْهـَـریــں ارس
گـــَـوْهـَـریــں ارس
روچ په ازابی گوستگ انت
شپ په گـَم و تاموری ءَ
ایرموش واهگ بیتگ انت
بَندوک دلانی سِستـَگ انت
چمانی واب اش بُرتگ انت
انسرتگیں درد اوں پدا
تیرانی دیمپاں بیتگ انت
روچ په ازابی گوستگ انت
شپ په گـَم و تاموری ءَ
گـَنجیں جهان ءِ لذتاں
نیادانی پلیں ساهتاں
پهک ءَ زبهر من بیتگاں
دانکے منی بهت ءَ نه بیت
چو نِشتگ و چم داشتگ انت
روچ په ازابی گوستگ انت
شپ په گـَم و تاموری ءَ
مُشکل پدا درد اوں تره انت
روچ سَکـّیـانی مئے گوز انت
باهند لـَهـڑیں انسر انت
مشکل پدا گِندگ بئنت
ارس اوں داں جیگ ءَ رَستگ انت
روچ په ازابی گوستگ انت
شپ په گـَم و تاموری ءَ
مانڈیرو _ دشتیاری
1991
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد