ســـرجَمینانی مِــهـــر

ســـرجَمینانی مِــهـــر

( عشق عمومی )

احمد شــامـلـو
... ___________
کریم بلوچ _تـَهـل

ارس رازے

بــِچکند رازے

مـِهـر رازے

آ شپ ءِ ارس ، منی مهر ءِ بچکند اَت

********
 

آزمانکے نیاں که گـُوَئش ئے یــے

سَؤتے نیاں که جـَن ئے یـــے

توارے نیاں که بشکن ئے یـــے

یا چیزے چشیں که بگندئے

یا چیزے چشیں که بزان ئے ...

من سرجمیانی هوریں درد اوں

منا گوانک بجن

**********

دِرچک ، لـَـد ءِگون ءَ همتران انت

بهارکاه ، پـَٹ و گیاوانانی گون ءَ

اِستاراں پـَؤر و کـَلـکـَشانانی گون ءَ

و من تئی گون ءَ هم تراناں

وتی نام ءَ منا بگوئش

وتی دست ءَ منا بدئے

وتی هبر ءَ منا بگوئش

وتی دل ءَ په من راهے بــِلّ

من تئی آهـُنــڈ و چــِرَکان ءَ زانگ اوں

و تئی لـُـنــٹــاں گوں ، سرجمیناں په هبر کتگ

تئی دست منی دستانی دُرُستی انت

و روشنی ءِ ایوکی ءَ تئی گون ءَ گریتگ اوں

زندگینانی مراداں په

و تـَهاریں گورّجاه ءَ ،

ترا گوں ونتگ اوں

شرتریں زیملان ءَ

که اے سال ءِ مُرتگیناں

مِهروارتریں زندگینان اتنت ....

*************

وتی دست ءَ منا بدئے

تئی دست ، منی دست ءِ دُرُستی انت

اَو که دیر ودی کرتگ اوں ترا

ترا گوں من هبر کناں

جَمبرانی داب ءَ که هبر کن انت گوں گـَئوش

بهارکاه ءِ داب ءَ که هبر کن انت گوں پـَـٹ

هـَـؤر ءِ داب ءَ که هبر ءَ کنت گوں زِر

یا مرگانی داب ءَ که گوں بهار

یا درچک ءِ داب ءَ گوں جنگل ءَ ...

من تئی آهـُنــڈ و چــِرَکان ءَ جوانی ءَ زانگ اوں

پرچا که تئی توار

منی توار ءِ گوں یک و یک واهگ انت ...


1334ه. ش.