پـــیـــــگام

مبارک قاضی :
پـــیـــــگام

بیا کـُبلیں مانتر ئے سیم و زمزیلاں مانداریں

اے ٹوپ و جنگی گـُراب چے انت !

اے تپتگیں آسیاب چے انت

په مکهیں گلزمین ءِ نام ءَ

اے زند بکشیں ازاب چے انت

دو گام دیم انت مُراد ءِ منزل

تمامیں دنیا بکنت ندارگ

اے« کاروان » نوں نه بیت دارگ

چه سَگ ءِ اوپار ءَ گوستگیں ما

یک اَنچیں چار راهے رَستگیں ما ( که )

پَُشت ءِ واتر کنگ گناه اِنت

اے جنگ ءِ نه آسر کنگ گناه انت

وتی سلاهاں ما نزکاریں

زمانگ ءَ ما پیشداریں که جنگ چے یے

به جزم که ما هزانگیں سر ڈگار ءِ بچیں

هزار لعنت هما که اے ریاست ءِ گلام انت

به جزم که اے وتن بلوچانی ننگ و نام انت

اے جنّت ءَ ما کس ءَ نه بکشیں

*************