منی جستء نہ کنت کسے مروچان.

منی جستء نہ کنت کسے مروچان.
غمان سوتکگ بدن مۓ وشین روچان.

پہ گیندا ظاھری لاغر ؤ مروکان.
بلے انگہ چو سیدا کوہ سری تچوکان.

منء دل گیر کتگ شؤم ایں کروچان.
من ندران پر وتی قومء بلوچان.

خیال ؤ گوستگ ایں فکرانے سوچان.
شراب ؤ شادھی شیران نوشان.

لکیران قسمت ؤ بخت ائیگ کشان.
قباح ؤ واجہی کوٹان پوشان.

چو فیل ؤ گریشگی شیران خروشان.
کلات ؤ ماڑیان برزینے فروشان.

مدام جنگاں گوں مآ دینگ ایں کروسان.
پمشکء نشتگاں ماتبندی سروشان.

گوش ایت عبدالوھاب ھمک وھد چو دیگے جوشان.
کدی باندات بہ بیت گلزمینء ببوسان.

آسکانی وبتاک بلوچستان