برے بیھوش ؤ وھدے من پہ ساران

برے بی ھوش ؤ وھدے من پہ ساران* 

کدی فکر ؤ ھیالان گران باران*

غمانی کونٹگین کشکء گو مساران*
شپی پاسان گون وت من قیل ؤ قالان*

غنوکی نشتگان دوستء وداران*
گون نؤد ؤ جمبڈان ھور ؤ أواران*

رواج ؤ ملگان کبگی تئ گاران*
دلء ارسان چہ پیمء من بداران*

ھموک روچء جنان فکر ؤ هیالان*
کہ گلء پہ کاغد ؤ کرراچ کاران*

تپء گپتگ منء گرمینء ناران*
کئ آ گوشتگ پر تو پرواہ نداران*

پر گیند ؤ کندگان تئ زھیر واران*
چو درویش ؤ فقیران واو ؤ زاران*

وتئ ماہ گونگء دردانء نالان*
وران آپین شرابء چو شغالان*

شپاد آن جنگلان ھنچو غزالان*
غمان پیر کت منی زند تئ اؤڈالان*

وتئ من بارگئین بورء سواران*
ودیگان پر تئ گند ؤ گداران*

بچاران زرگری مندریغ ؤ ھاران*
کہ یک انگشتری پر تو بیاران*

کدی تئ ڈکمین مودان بچاران*
گلاب ؤ یاسمین پلان شھاران*

نہ گیندان گر ترا بی تو خماران*
گران حالء تئ چہ دست گوھاران*

عبدالوھاب بکن دلگوش چہ شائری در مکالان*
گہ سنگاران بلوچی نایافتین گالان*

http://askanivebtaak.blogspot.com/